नेकपा एकीकृत समाजवादीका नेता तथा पूर्वप्रधानमन्त्री झलनाथ खनाल र नेपालका लागि चिनियाँ राजदूत महामहिम छन् सोङबीच भेटवार्ता भएको छ ।

पूर्वप्रधानमन्त्री समेत रहेका खनाल र राजदूत सोङबीच मंगलबार बिहान खनाल निवास डल्लुमा शिष्टाचार भेटघाट भएको हो ।

भेटमा नेकपा एकीकृत समाजवादीका विदेश विभाग सचिव डा. शङ्कर खतिवडा पनि सहभागी भएका थिए । भेटमा समसामयिक राजनीतिक परिस्थिति, आपसी हित तथा नेपाल चीन सम्बन्धका विविध पक्षमा कुराकानी भएको थियो ।