मंगलबार पनि नेप्से परिसूचक बढेको छ । आइतबारदेखि बढ्ने क्रममा रहेको नेप्से मंगलबार ५.०८ अंकले बढेर २६१३.०८ विन्दुमा बन्द भएको छ ।
मंगलबार १०६ कम्पनीको सेयर मूल्य बढेको छ भने १२९ वटाको घटेको छ। यस्तै आठ कम्पनीको मूल्य स्थिर रहेको छ ।
गत कारोबार दिन अर्थात् सोमबार ६ अर्ब ५७ करोडको सेयर कारोबार भएकोमा मंगलबार ६ अर्ब १९ करोडको सेयर कारोबार भएको छ । यसदिन कारोबार रकम भने अघिल्लो दिनको तुलनामा घटेको छ ।
अघिल्लो दिनको तुलनामा कारोबार रकममा ३८ करोड रूपैयाँ कमी आएको हो ।
आज ३११ वटा धितोपत्रको १ करोड १६ लाख २६ हजार २० कित्ता सेयर किनबेच भएको छ ।
यसदिन मन्दाकिनी हाइड्रोपावरको सेयर मूल्य सर्वाधिक १० प्रतिशतले बढेको छ । मंगलबार रिभर फल्स पावरको मूल्य सबैभन्दा बढी ८.९६ प्रतिशतले घटेको छ ।
मंगलबार सिइडिबी होल्डिङ्सको सर्वाधिक कारोबार भएको छ । सर्वाधिक सेयर खरिद–बिक्री हुने दोस्रो कम्पनीमा सप्तकोशी डेभलपमेन्ट बैंक रहेको छ ।
आज कारोबारमा आएका १३ वटा समूहगत परिसूचकमध्ये पाँच समूहको परिसूचक घटेको छ भने बाँकी आठ समूहको बढेको छ ।
यसदिन अन्य समूहको परिसूचक सर्वाधिक २.७९ प्रतिशतले बढेको छ भने व्यापार समूहको परिसूचक सर्वाधिक २.१० प्रतिशतले घटेको छ ।
-1738835295.jpg)
