नेपाल सुनचाँदी व्यवसायी महासंघका अनुसार आज (शुक्रबार) नेपाली बजारमा सुन–चाँदीको मूल्य बढेको छ ।

महासंघका अनुसार आज छापावाल सुन प्रतितोला एक लाख ६० हजार छ सय रूपैयाँमा कारोबार भइरहेको छ ।अघिल्लो दिन अर्थात् बिहीबारको तुलनामा सुनको मूल्य शुक्रबार प्रतितोला एक हजार रूपैयाँ बढेको हो ।

बिहीबार छापावाल सुन प्रतितोला एक लाख ५९ हजार छ सय रूपैयाँमा कारोबार भएको थियो ।

यस्तै, बिहीबार प्रतितोला एक हजार आठ सय ७५ रूपैयाँमा कारोबार भएको चाँदी यस दिन प्रतितोला एक हजार आठ सय ८० रूपैयाँमा कारोबार भइरहेको छ ।

यो मूल्य अघिल्लो दिनको तुलनामा प्रतितोला पाँच रूपैयाँ बढेको हो ।

आज अन्तर्राष्ट्रिय बजारमा भने सुन प्रतिऔंस २७ सय ७४ अमेरिकी डलरमा कारोबार भइरहेको छ ।