नेपाली बजारमा आज (बिहीबार) सुन–चाँदीको मूल्य बढेको छ । गत मंगलबारदेखि बढ्ने क्रममा रहेको सुनको मूल्यले यस दिन पनि निरन्तरता पाएको हो ।

यो मूल्य अघिल्लो दिनको आज तुलनामा प्रतितोला एक हजार ६ सय रूपैयाँ बढेको हो ।

बुधबार प्रतितोला एक लाख ६६ हजार नौ सय रूपैयाँमा कारोबार भएको सुन नेपाल सुनचाँदी व्यवसायी महासंघका अनुसार आज प्रतितोला एक लाख ६८ हजार पाँच सय रूपैयाँमा कारोबार भइरहेको छ । 

त्यसैगरी, बिहीबार चाँदीको मूल्य पनि बढेको छ ।

बुधबार प्रतितोला एक हजार नौ सय ७५ रूपैयाँमा कारोबार भएको चाँदी बिहीबार प्रतितोला एक हजार नौ सय ८० रूपैयाँ कारोबार भइरहेको छ ।

यो मूल्य अघिल्लो दिनको तुलनामा प्रतितोला पाँच रूपैयाँ बढेको हो ।

आज अन्तर्राष्ट्रिय बजारमा भने सुन प्रतिऔंस २८ सय ६९ अमेरिकी डलरमा कारोबार भइरहेको छ ।