प्रेम दिवस अर्थात भ्यालेन्टाईन डे को अवसरमा सिड्नीमा विशेष सांगीतिक कार्यक्रम आयोजना गरिने भएको छ। पाल्पा इन्टरटेनमेन्टको प्रस्तुतिमा फ्रेबुअरी १४ तारेखका दिन भव्य सांगीतिक साँझ हुने भएको छ । कार्यक्रम रातोघर: द भेन्यू’, ग्रान्भिल, सिड्नी मा हुने छ ।

कार्यक्रममा गायक शिव परियार, नेपाल आइडल सिजन ५ का विजेता करण परियार, प्रथम उपविजेता सलोमी गुरुङ तथा अभिनेत्री झरना रिसाल ले आफ्नो प्रस्तुति दिने छन । यस विशेष सांगितिक कार्यक्रममा सहभागी हुन कलाकारहरू बुधबार सिड्नी आइपुगेका छन्।

उनीहरूलाई कृष्ण थापा , सुभाष थापा ,प्रिती घिमिरे र दिनेश श्रेष्ठ लगायतले विमानस्थलमा स्वागत गरेका थिए । कलाकार टोलीले सिड्नीपछि एडिलेड लगायत अन्य सहरहरूमा पनि सांगीतिक प्रस्तुती दिने भएका छन ।

सिड्नीमा बसोबास गर्ने नेपाली समुदायका लागि यो कार्यक्रम प्रेम, संगीत र मनोरञ्जनको संगम बन्ने भएको छ   आयोजक पाल्पा इन्टरटेनमेन्टले नेपाली समुदायलाई कार्यक्रममा सहभागी भई प्रेम दिवसलाई संगीतमय बनाउन आग्रह गरेको छ। कार्यक्रमको टाइटल स्पोन्सरमा ए टु जेट क्लिनगं सप्लाइस क्लिनगं एण्ड हस्पिटालिटी रहेको छ ।