नेपाली बजारमा आज (सोमबार) पनि सुनको मूल्य घटेको छ । गत शुक्रबारदेखि घट्ने क्रममा रहेको सुनको मूल्यले यसदिन पनि निरन्तरता पाएको हो ।

नेपाल सुनचाँदी व्यवसायी महासंघका अनुसार आज सुन प्रतितोला एक लाख ७३ हजार आठ सय रूपैयाँमा कारोबार भइरहेको छ ।  सोमबार सुनको मूल्य प्रतितोला सात सय रूपैयाँ घटेको हो ।

आइतबार सुन प्रतितोला एक लाख ७४ हजार पाँच सय रूपैयाँमा कारोबार भएको थियो ।  

त्यसैगरी, सोमबार चाँदीको मूल्य भने बढेको छ ।

आइतबार प्रतितोला एक हजार आठ सय रूपैयाँमा कारोबार भएको चाँदी सोमबार प्रतितोला एक हजार आठ सय ३० रूपैयाँमा किनबेच भइरहेको छ ।

यो मूल्य अघिल्लो दिनको तुलनामा प्रतितोला ३० रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस तीन हजार ३१ अमेरिकी डलरमा कारोबार भइरहेको छ ।