यू–१९ विश्वकप एसिया छनोटमा नेपालको लगातार दोस्रो जित
नेपालले आइसिसी यू-१९ विश्वकपअन्तर्गत एसिया छनोट प्रतियोगितामा लगातार तेस्रो जित हासिल गरेको छ ।बुधबार भएको तेस्रो खेलमा नेपालले हङकङलाई ९ विकेटले पराजित गरेको हो ।
हङकङले दिएको ११६ रनको सामान्य लक्ष्य पछ्याएको नेपालले १२ ओभर ३ बलमा १ विकेट गुमाएर पूरा गर्यो । नेपालका लागि कप्तान नरेन भट्ट ३९ र शाहील पटेलले ४२ रनको अविजित इनिङ खेले ।
त्यसअघि मुलपानी क्रिकेट मैदानमा टस हारेर पहिला ब्याटिङ गरेको हङकङ ४६ ओभर २ बलमा ११५ रनमा समेटिएको थियो । नेपालका युवराज खत्रीले सर्वाधिक ४ विकेट लिएका थिए ।
बिपिन शर्माले ३, सन्तोष यादवले २ र अशोक धामीले १ विकेट झारेका थिए । ब्याटिङमा हङकङका लागि शिभ मथुरले सर्वाधिक ६३ रन बनाएका थिए ।
नेपालले पहिलो खेलमा युएईलाई ५ रन र दोस्रो खेलमा ओमनलाई ८ विकेटले पराजित गरेको थियो । नेपालले अन्तिम खेल अफगानिस्तानसंग खेल्नेछ ।
प्रकाशित मिति: बुधबार, वैशाख ३, २०८२ १४:३१
प्रतिक्रिया दिनुहोस्
साताको लोकप्रीय
-1744789336.jpg)